Samarbeidsrådet for Sunnhordland er eit interkommunalt selskap, eigd av kommunane Austevoll, Bømlo, Etne, Fitjar, Kvinnherad, Stord, Sveio og Tysnes. Selskapet har forretningsadresse i Stord kommune.
Føremålet med selskapet er interkommunalt samarbeid på generell basis med særleg vekt på alle typar tiltaksarbeid og utviklingsarbeid. Selskapet skal ta opp saker som kan fremja utviklinga av Sunnhordland, og leggja dei fram til drøfting og utgreiing.
Med mål om å fremja sunnhordland
- Fremja Sunnhordland sine interesser
- Fremja og samordna tiltaksarbeid i Sunnhordland med særleg vekt på regional utvikling, næringsutvikling og infrastruktur.
- Vera pådrivar for betring av kommunikasjonstilhøva i Sunnhordland.
- Utvikla ei samordna og effektiv marknadsføring for Sunnhordland.
- Vera pådrivar for kultur- og identitetsskapande tiltaksarbeid.
- Arbeida for kommunane sine rammevilkår.
fakta om Samarbeidsrådet
- Samarbeidsrådet vart etablert i 1981 på Bekkjarvik og er ein av dei eldste regionråda i landet.
- Samarbeidsrådet består av kommunane Austevoll, Bømlo, Etne, Fitjar, Kvinnherad, Stord, Sveio og Tysnes. I tillegg er kommunane Haugesund og Vindafjord observatørar.
- Samarbeidsrådet består av ordførar og rådmann/kommunedirektør i kvar kommune.
- Første styreleiar i Samarbeidsrådet var dåverande ordførar i Stord, Onar Onarheim.
- Sidan etableringa av Samarbeidsrådet har følgjande vore styreleiarar:
- 1981-82 Onar Onarheim, Stord kommune
- 1982-84 Dominikus Bjordal, Ølen kommune
- 1984-86 Bjørn Lavik, Bømlo kommune
- 1986-88 Helge Hauge, Tysnes kommune
- 1988-90 Kjell Nesbø, Fitjar kommune
- 1990-92 Reinert Rød, Sveio kommune
- 1992-94 Erling Steine, Etne kommune
- 1994-96 Magne Rommetveit, Stord kommune
- 1996-98 Marit E. Totland, Bømlo kommune/Dominikus Bjordal, Ølen kommune
- 1998-00 Lorentz Lunde, Tysnes kommune
- 2000-02 Aksel Kloster, Kvinnherad kommune
- 2002-04 Agnar Aarskog, Fitjar kommune
- 2004-06 Helge Andre Njåstad, Austevoll kommune
- 2006-07 Amund Enge, Etne kommune
- 2007-09 Jorunn Skåden, Sveio kommune
- 2009-11 Inge Reidar Kallevåg, Bømlo kommune
- 2011-13 Liv Kari Eskeland, Stord kommune
- 2013-15 Kjetil Hestad, Tysnes kommune
- 2015-17 Peder Sjo Slettebø, Kvinnherad kommune/Wenche Tislevoll, Fitjar kommune
- 2017-19 Wenche Tislevoll, Fitjar kommune
- 2019-21 Morten Storebø, Austevoll kommune
- 2021- Mette Heidi Bergsvåg Ekrheim, Etne kommune